Эрүүл мэндийн тусламж үйлчилгээний гүйцэтгэлийн санхүүжилтийн зарчим, хэрэгжилтийн зарим асуудал

Зохиогчийн тухай

Б.Баясгалан, доктор, профессор

Удирдлагын академийн Удирдахуйн ухааны сургуулийн захирал

Ц.Билэгтсайхан, доктор, дэд профессор

АШУҮИС-ийн Эрдмийн сургуулийн Эрүүл мэндийн судалгааны тэнхимийн эрхлэгч

Б.Хишигжаргал, доктор

УНТЭ-ийн ерөнхий захирал

Б.Мөнхсайхан, магистр

Хүрээ амаржих газар төрөлжсөн мэргэшлийн эмнэлгийн ерөнхий захирал

Ц.Наран-Эрдэнэ, магистр

Орхон аймаг дахь БОЭТ-ийн ерөнхий захирал

Түлхүүр үг: Эрүүл мэндийн тусламж үйлчилгээний санхүүжилт, гүйцэтгэлийн санхүүжилт, эрүүл мэндийн салбарын гүйцэтгэлийн удирдлага, тусламж үйлчилгээний өртөг

Хураангуй

УИХ-аас 2020 оны 8 дугаар сарын 28-ны өдөр Эрүүл мэндийн салбарын санхүүжилтийн шинэчлэлийг хийх хууль эрх зүйн орчныг бүрдүүлж Эрүүл мэндийн тухай, Эрүүл мэндийн даатгалын тухай, Эмнэлгийн тусламж, үйлчилгээний тухай хуулиудад нэмэлт, өөрчлөлт оруулсан. Энэхүү шинэчлэл нь нэг талаас олон улсад хэрэгжиж байгаа гүйцэтгэлийн санхүүжилтийн дэвшилтэт арга зарчмыг нэвтрүүлж эмнэлгийн байгууллагын хөгжлийг дэмжихээс гадна бүх нийтийн эрүүл мэндийн хамрагдалтыг сайжруулах, нэн шаардлагатай тусламж үйлчилгээг бэрхшээлгүй авах нөхцлийг бүрдүүлэх улмаар хүний хөгжлийг дэмжих томоохон зорилгод чиглэж байгаа юм. Шинэчлэлийг хэрэгжүүлэх эрх зүйн орчинг бүрдүүлж эрүүл мэндийн тусламж үйлчилгээг санхүүжүүлэх “нэг худалдан авагчийн загвар” бодит байдалд 2021 оны 03 дугаар сараас бодитойгоор хэрэгжиж эхэлсэн хугацаанд эрүүл мэндийн даатгалын санхүүжилтийн оролцогч талуудад тодорхой сорилт бэрхшээл тулгарч, асуудлаа шийдвэрлэх зарчмаар үр дүнг дээшлүүлэхэд анхаарч байна. Энэхүү өгүүлэлд эрүүл мэндийн гүйцэтгэлийн санхүүжилтийн зарчмын хэрэгжилтийн эхэн үеийн нөхцөл байдлыг цөөн байгууллагыг хязгаарлагдмал хүрээгээр хамруулан судалж дүгнэсэн бичил судалгааны үр дүнг тусгасан болно.

Эх сурвалжийн жагсаалт

•Алсын хараа 2050 Монгол Улсын урт хугацааны хөгжлийн бодлого

•Монгол улсыг 2021-2025 онд хөгжүүлэх таван жилийн үндсэн чиглэл

•Монгол Улсын Засгийн газрын 2020-2024 оны үйл ажиллагааны хөтөлбөр

•Эрүүл мэндийн тухай, Эрүүл мэндийн даатгалын тухай, Эмнэлгийн тусламж, үйлчилгээний тухай хуулиуд

•ЭМДҮЗ-ийн тогтоолууд 01, 02, 03, 05, 06, 12, 13

•ЭМДЕГазрын даргын А/39, А/53

•Сангийн сайд, ЭМСайдын А/118, А/117

•Судалгаанд хамрагдсан эрүүл мэндийн байгууллагуудын санхүүгийн тайлан, 2020-2022

•ЭМД-ийн санхүүжүүлэх зарчимтай холбоотой тулгамдсан асуудлыг тодорхойлох асуумж, үр дүн

•Эрүүл Мэндийн Байгууллагын ЭМД-аас нэхэмжилсэн ба хасагдсан дүн, 2022

•Эрүүл Мэндийн Байгууллагын ЭМД-ийн санхүүжилт хасагдсан дүн, 2022

•Эрүүл мэндийн удирдах ажилтнуудаас авсан судалгааны дүн, 2023